-
Yapon əfsanələrində "Baku" sözünün mənası
Tarix: 2015-10-23
Şəhərimizin adı xarici dillərdə "Baku" kimi tələffüz olunarkən yapon dilində eyni tələffüzü paylaşan maraqlı bir söz mövcuddur.
Bu söz nəyi təcəssüm edir, hansı məna bildirir?
Bunun haqda sizinlə bugünkü yazımızda bölüşəcəyik.
Baku
Kabusdan qorxaraq oyanan zaman nə etmək lazımdır? Yaponiyada uşaqlar belə həmin anda nə edəcəyini bilir. Onlar üzlərini yastığa sıxaraq, üç dəfə “Baku, gəl və kabusumu ye. Baku gəl və kabusumu ye” deyəcək. Xahiş qəbul olunduqda, baku adlı məxluq onun otağına gələrək gördüyü bütün pis yuxularını sovuracaq.
Amma bakunu çağırarkən ehtiyyatı əldən vermək olmaz. Çox ac bir baku yalnız bir pis yuxu ilə yetinməyib onunla birgə bütün ümid və məqsədləri də sovuraraq insanın daxili dünyasını tamamilə boş qoya bilər.
Baku nədir?
Baku ayı bədənli, fil burunlu, pələng pəncəli, buğa quyruqlu, gərgədan gözlü mifik bir məxluqdur. Əfsanəyə görə, tanrılar heyvanları yaratmağı başa çatdırdıqdan sonra, yerdə qalan artıq bədən hissələrini bir yerə toplayıb birləşdirərək bakuya həyat bəxş etdilər.
Yapon əfsanəsinə görə baku pis yuxular, kabuslarla qidalanan mifik obrazdır. Onlar qoruyucu məxluq olduğu üçün, insanlar gecələr bakunun gəlməsini və onların kabuslarının sovrulmasını diləyərlər. Kabuslar sovrulduqdan sonra, bir daha heç vaxt insanları narahat edə bilməyəcək. Göstərdiyi yardıma baxmayaraq bakunun qaranlıq tərəfi də var. Bəzilərinin dediyinə görə baku sadəcə pis yuxuları deyil, bütün yuxuları sovura bilər. Bunlara arzu, gələcək, ümidlərlə bağlı yuxular da aiddir.
Baku həqiqətdə mövcuddurmu?Yazılı təsvirlərdə bakunun xarici görünüşü yırtıcı heyvanlarla eyniləşdirilir. Reallıqda isə o görünüşünə görə Asiya tapirinə (tapir - uzun xortumu olan otyeyən heyvan) oxşayır. Eyni zamanda onlar eyni heroqlifi ( və tələffüzü) paylaşır. Yəni, bir heroqlif həm baku, həm də tapir mənasındadır. Baku bu cür bənzərlikdə tək deyil, məsələn, "kirin" sözü Yaponiyada həm zürafə, həm də əfsanəvi məxluqun adıdır.
Onlardan hansı heroqlifin ilk mənası olub - əfsanə, yoxsa heyvan? Bu keçmişdə gizlənən bir tapmacadır və sualın cavabını dəqiqliklə işıqlandıra biləcək heç bir məlum mənbə yoxdur. Çoxları baku və tapirin bənzərliyini təsadüf sayır və tapirin mifik heyvanın şərəfinə adlandırılması fikrini qəbul etmir.
İstənilən halda, bu əfsanə çox qədimdir. Kioto Universitenin professoru Hayaşi Minao “Çinin qədim tanrıları və qulyabaniləri” kitabında oxucuları qədim bürüncdən hazırlanan məmulatlar və digər əşyaların üzərində olan bakunun təsvirləri ilə tanış edir. O, Çində Asiya tapirinə bənzər heyvanın qədim zamanlarda nə vaxtsa mövcud olduğu, lakin müəyyən səbələrə görə nəslinin kəsildiyi fikirlərini irəli sürür.Baku çox vaxt Çin mifologiyasının digər heyvanı "hakutaku" ( Çin dilində “bai ze” kimi tələffüz olunur) ilə qarışıq salınır. Məsələn, Tokiodakı Qobyakukan (Gobyakukan) məbədində “Baku şahı” adlı heykəl yerləşir, lakin həqiqətdə bu hakutukunun heykəlidir.
Baku ilə bağlı hekayə və əfsanələr.
Yaponiya folkloruna aid bir çox məxluqlar kimi baku da əsrlər boyu dəyişikliklərə məruz qalmışdır. Ən qədim Çin əfsanələrində bakular qiymətli dərilərinə görə ovlanırdı. Bakunun dərisindən hazırlanan talismanlar xəstəlik və pis ruhlara qarşı ən yaxşı qoruyucu sayılırdı. Bir qədər müddət sonra baku dərisi artıq nadir tapıntıya çevilmişdi. Bu səbəbə görə əvvəlcədən mövcud olmuş ənənə tamamilə dəyişdi və baku dərisindən hazırlanmış talismanlar çarpayının üzərinə asılmış baku rəsmləri ilə əvəz olunmağa başlandı. Tan sülaləsinin hökmranlığı zamanı (618 – 907), baku ilə bəzədilən əşyalar çox məşhur olduğu üçün onlara böyük tələbat var idi.
Çində Tan sülaləsinin hökmranlığı zamanı Torokuten (Tan sülaləsinin altı hekayəsi) kitabında kabusları yeyən və adı bakuki olan bir məxluq haqda yazılmışdı. Dəqiq müəyyən olunmayan tarixdə baku haqda əfsanə Yaponiyaya keçərək əhali arasında kabusları yeyən məxluq ilə bağlı əfsanə kimi tanınmağa başladı. Buradan məlum olur ki, müxtəlif mədəniyyətlərə aid olan iki məxluq birləşərək yeganə bir əfsanəni təcəssüm edir.
Yaponiyada kabusyeyən baku haqda əfsanə Çindən götürüldüyü müddətdən başlayaraq günümüzə qədər dəyişməz qalıb. Bakunu çağırmağın bir çox yolu var. Fukusimada kabusdan oyanan insan “Mən bu yuxumu bakuya bəxş edirəm” dedikdən sonra, həmin yuxu bir daha onu heç vaxt narahat etməyəcək. Digər prefekturalarda, insanlar “Baku, gəl və kabusumu ye” deyə dayanmadan üç dəfə təkrar edirlər.
Baku müasir YaponiyadaDaha çox komiks rəssamlarının və alimlərin yaddaşında qalan digər mifik məxluqlardan fərqli olaraq, baku hələ də müasir Yaponiyanın məşhur obrazıdır. Baku animasiya və komiks kitablarının bir çoxunun qəhrəman kimi peyda olur. Lakin onların mifik məxluq üçün xarakterik olan xarici görünüşü get-gedə itir, əvəzində isə tapirə olan bənzərlik daha aydın görünməyə başlayır. Bunun səbəbi Yaponiyada indi daha çox daha mehriban və xoşagəlimli personajların obrazlarının sevilməsində ola bilər.
Lakin hər şey janrdan asılıdır. Digər janrlara nəzər saldıqda bakunun yazılı mənbələrdə təsvir olunan yırtıcı görünüşü ilə də rastlaşa bilərik. Bu da onu təsviretmə ənənəsinin hələ də qorunub saxlandığından xəbər verir.
Mənbə: http://hyakumonogatari.com/2012/10/20/baku-the-dream-eater/ -
Şimali İrlandiyada “Nəhənglərin yolu”
Tarix: 2015-10-21
Nəhənglərin yolu Şimali İrlandiyanın ən çox turist cəlb edən məkanıdır. Bu unikal sahil vulkan aktivliyi nəticəsində yaranıb. Əsrlər əvvəl baş verən vulkan püskürməsi nəticəsində burada 40000 qədər bazalt sütünu formalaşıb. Həmin sütunlar dənizə doğru sanki bir yol açaraq həqiqətdə mövcud olmuş nəhənglərin ayaq basdığı pillələri xatırladır.
Buradan yuxarıya qalxaraq görəcəyiniz səfalı mənzərə sözlə ifadə oluna bilinməyəcək dərəcədə gözəldir. Nəhənglərin yoluna gəlib baxmaq istəyənlər burada velosiped kirayə götürərək (və ya əvvəlcədən kirayə götürülmüş velosipedlə gələrək) turistlər üçün hazırlanmış marşrut üzrə hərəkət edə bilər.Nəhənglərin yolu - Təbiətin möcüzəsidir
Nəhənglərin yolu - vulkan püskürməsi nəticəsində yaranmış on minlərlə bazalt sütununun bir-biri ilə birləşdiyi unikal sahilyanı ərazidir.
Şimali İrlandiyanın şimal-şərqində, Buşmils şəhərindən (İrlandiya viskisinin hazırlandığı şəhər) 3 km şimalda yerləşir. Ərazisinin keçdiyi yol və Kozvey-Kost sahili 1986-cı ildə YUNESKO-nun Ümumdünya İrs siyahısına daxil edildi, 1987-ci ildə isə Şimali İrlandiyanın ətraf mühit departamentinin milli qoruğu elan olundu. Sütunların yuxarı hissəsi formasına görə tramplini xatırladır. Onların yolu qayanın ətəyindən başlayaraq dənizin üzərini örtdüyü yerə qədər davam edir. Sütünların bir çoxu altıbucaqlıdır, bəziləri isə dörd, beş, yeddi və səkkiz bucaqdan ibarətdir. Ən hündür sütun on iki metrdir.
Nəhənglərin yolunun sadəcə ölçüləri deyil, həmçinin yaranması ilə bağlı sirli əfsanələri də heyrətləndirir. Bu təsirli məkan heyranedici qeyri-adiliyi ilə dünyanın ən məşhur yerlərindən biri adını qazanmağa layiqdir.
60 milyon il bundan əvvəl burada güclü vulkan püskürmələri baş verib. Püskürmələr zamanı göyə saysız şəkildə kül qalxır, yer üzünə isə çoxlu miqdarda qaynar maqma xaric olunurdu. Bu təbii hadisə irlandlara sirli “Nəhənglərin yolu”nı miras qoydu. İrlandaların qeyri-adi yolun yaranması ilə bağlı bağlı iki fərqli əfsanəsi var.
İrlandiyada Nəhənglərin körpüsü
Birinci əfsanə
Günlərin bir günü irland mifologiyasının qəhrəmanı olan döyüşçü Fin Mak Kumalo Xoll adlı birgözlü nəhənglə rəqabət aparmaq arzusunda idi. Xoll dənizin qarşı sahilində yaşayırdı. Finn həmin sahilə keçmək və ayaqlarını islatmamaq üçün körpü tikməyi qərara aldı. O qılıncı ilə daş sütunlarını yonub dənizin dibində cərgəli şəkildə bərkidirdi. Yorulduğu zaman o, dincəlmək üçün bir qədər uzanıb elə həmin yerdə də yuxuya getdi.
Həmin vaxt güclü rəqib tikilmiş körpü vasitəsilə özü onun yanına gəldi. Lakin onlar bir-biri ilə yarışa bilmədi. Buna səbəb isə Finnin həyat yoldaşının işlətdiyi hiylə idi. Qadın yatan Finni divə körpə oğlu kimi təqdim etdi. O divə həyat yoldaşını gözlədiyini söyləyərək, Xolla içində qaynar tava olan çörəkləri təklif etdi. Finn oyandığı zaman həyat yoldaşı ona eyni çörəklərdən verdi, lakin bu dəfə onların içində isti tava yox idi. İçində qızdırılmış dəmir olan çörəkləri körpənin sürətlə yediyini görən nəhəng çox qorxdu. O, bu cür körpənin atasının necə güclü olduğunu təsəvvürünə gətirdi. Beləliklə, Xoll arxasına baxmadan geri qaçmağa başladı. Finn tərəfindən tikilən körpü onun var gücü ilə atdığı ağır addımlara dözməyərək dağıldı.
İkinci əfsanə
Qədim zamanlarda İrlandiyada Fin Mak Kul adlı xeyirxah div və onun həyat yoldaşı yaşayırdı. Sahilin digər tərəfində - Şotlandiyada isə Benadona adlı div Fin Mak Kul-dan fərqli olaraq qəzəbli və kinli idi. Şotlandiyalı hər zaman İrlandiyalıya sataşır və onu incidirdi. Günlərin bir günü Fin Mak Kul Benadonnaya səslənərək dedi: “ Əgər mən üzməyi bacarsaydım, bir neçə dəqiqəyə körfəzi keçib səni elə yaxşıca döyərdim!”
Lakin İrlandiyalı üzməyi bacarmırdı. O zaman Mak Kul, körfəz üzərindən körpü tikməyi qərara alır. Yeddi gün və yeddi gecə gözlərini qırpmayan div nəhəng daş parçalarını dənizə doğru daşıyaraq həmin körpünün tikintisini başa çatdırır.
Sonda o çox yoruldu və düşündü: “Benadonna ilə döyüşdən öncə mən yaxşıca dincəlməliyəm” və yatmağa yollandı. Bu zaman şotlandiyalı div körpünü görərək onun üzərindən keçib İrlandiyaya çatdı. O, nəhəngin evinin qapısını döyməyə başladı, lakin Fin Mak Kul möhkəm yatırdı. Onun həyat yoldaşı Una qorxaraq xilas olmaq üçün bir hiyləgərlik fikirləşdi. Qadın Mak Kulu körpə kimi bələdi. Una qapını açıb Benadonnaya dedi: “Tşşşş! Mənim körpəm yatır!”
Şotlandiyalı “körpəyə” baxıb fikirləşdi: “Əgər Fin Mak Kulun uşağı bu cür nəhəngdirsə, onda onun özü hansı nəhənglikdədir?” Qorxaraq Benadonna Şotlandiyaya geri qaçdı və təbii ki, qaçdığı zaman onun ardınca bütün körpü dağıldı.
Nəhənglərin körpüsü – YUNESKO-nun ümumdünya irsi siyahısına daxildir
Nəhənglərin körpüsünün yalnız ön hissəsi günümüzədək gəlib çatıb. Həmin körpü altıbucaqlı bazalt sütunlarından ibarət olub YUNESKO-nun ümumdünya irsi siyahısına daxil olundu. Eyni zamanda o dünyanın möcüzələrindən biri kimi sayılır. Həqiqətən də, Nəhənglərin körpüsünü canlı şəkildə görən insan onun sadəcə təbii hadisənin nəticəsi deyil, möcüzə olduğuna inanmaq istəyir.
Mənbə: http://irelandru.com/doroga-gigantov-v-severnoj-irlandii/ -
Qastronomik turizm üçün ən yaxşı şəhərlərin reytinqi
Tarix: 2015-10-19
Böyük Britaniyanın “The Telegraph” nəşri qastronomik turizm üçün ən yaxşı şəhərlərin siyahısını dərc etdirib.
Reytinqdə birinci yerə Tokio şəhəri layiq görüldü. Lenta.ru-nun verdiyi məlumata görə reytinqə Avropa, Amerika və Asiyanın 16 şəhəri daxil olub.Mütəxəssislərin fikrinə görə, ümumilikdə Yaponiya dünya üzrə Mişelin ulduzlarına sahib olan ən geniş restoran sayına malikdir. Onun paytaxtı isə bu prestijli mükafatı əldə edən restoran, kafe və barların sayı üzrə liderdir. Turistlər burada suşi ilə yanaşı tofu, donuz kotletləri, okonomiyaki ( müxtəlif inqrediyentlər, xüsusi sous və üzərinə nazik şəkildə kəsilən qurudulmuş tuna balığı əlavə olunan qızardılmış xəmir) ilə ilanbalığını dada bilər. Bunlarla yanaşı Yaponiyanın paytaxtı müxtəlif zövq və büdcəyə uyğun olan restoranları təklif edir – göydələnlərdə yerləşən və mənzərəli görünüşü olan restoranlardan başlayaraq, yerli mətbəxi təqdim edən kiçik pablara qədər.
İkinci yer Xanoy şəhərinə təqdim edildi. Vyetnamın paytaxtı, mütəxəssislərin fikrinə görə turist üçün yerli mətbəxin xüsusiyyətlərini hiss etmək çox asandır – açıq havada hazıralanan şirin və turş şorba ilə təqdim olunan əriştə, donuz əti və balıq sousu sizi Vyetnam mətbəxinə qarşı biganə qoymayacaq.
Məhz burada paştet, xiyar, göyərti, soğan və çili ilə doldurulmuş baget (çörək), eyni zamanda donuz əti, dərisi və balıq əlavə olunmuş düyünü dadmaq olar. Mütəxəssislər yeməyi ənənəvi yumurta kofesi ilə başa çatdırmağı məsləhət görür.
London təklif etdiyi nemətlərin müxtəlifliyinə və restoranların, barların, pabların sayına görə üçüncü yeri tutur. Nəzərə çatdıraq ki, Londonun "Langham" beşulduzlu otelində yerləşən "Artesian" barı Dünyanın ən yaxşı 50 barı reytinqində dördüncü dəfə ardıcıl olaraq birinci yerə layiq görülüb. O, eyni zamanda, Avropanın ən yaxşı barı kimi də tanınır.
Bundan əlavə siyahıya Nyu York, Bolonya, Yeni Orlean, Lima, Fes Djaypur və digər şəhərlər də daxil edilib.
Mişlen, qırmızı bələdçi (Michelin, Le Guide Rouge), bəzən sadəcə “Qırmızı bələdçi” kimi tanınan restoran reytinqi üç ulduzlu qiymətvermə sisteminə sahib olan ən nüfuzlu reytinqdir. Bir ulduz restoranın öz kateqoriyasına görə çox yaxşı, iki ulduz isə əla olduğunu göstərir. İki ulduzlu restorana getmək üçün, əvvəlcədən təşkil olunmuş səyahət marşrutunuzdan belə kənara çıxmağınız məsləhət görülür. Nəhayət, üç ulduz baş aşpazın mükəmməl işindən xəbər verir və bu restoranın yeməyini dadmaq üçün hətta xüsusi səyahətin belə təşkil olunması mühümdür.
Mənbə: http://www.trend.az/life/tourism/2444446.html -
Yeni "Discount Club" yaradıldı.
Tarix: 2015-10-16
“Turizm.Az Discount Club” haqqında məlumat
"Turizm.Az Discount Club" bütün Aviaşirkətlərin biletlərinə, Xarici və Azərbaycan daxili turlara geniş spektrli endirimlər təklif edir. Klub üzvləri zəmanətli 10 və 5 AZN-lik endirimdən başqa endirim aksiyaları zamanı yalnız klub üzvlərinə məxsus daha yüksək faiz dərəcəsində endirim əldəi edirlər. Turizm.Az Discount Club iki növ üzvlük təklif edir ki, onlardan sizə daha uyğun variantı seçə bilərsiniz.
“Turizm.Az Discount Club”-a üzv olmaq üçün bu linkdə qeydiyyatdan keçə bilərsiniz.
“Standart” üzvlük.
Bu növ üzvlük zamanı heç bir üzvlük haqqı tələb olunmur. Standart üzvlüyü olan şəxslər özlərindən başqa ailə üzvlərinə və dostları üçün də endirim əldə edə bilərlər. Ancaq bu halda klub üzvünün bu səyahətdə iştirakı mütləqdir. Bu növ üzvlüyü olan şəxslər bir nəfər üçün dəyəri 100 AZN və daha aşağı olan turizm xidmətlərində 5 AZN, bir nəfər üçün dəyəri 100 AZN-dən artıq olan xidmətlərdə isə 10 AZN zəmanətli endirim əldə edirlər. Zəmanətli endirimdən başqa klub üzvləri digər müştərilərdən fərqli olaraq endirimli turlar haqqında məlumatı daha tez əldə edir, daha yüksək faiz dərəcəsində endirim əldə edir və klub üzvləri üçün təşkil edilmiş insentiv turlarda (müştərilərin mükafatlandırılması üçün hədiyyə turlar) iştirak etmək imkanı əldə edirlər.
Qeyd: Əgər siz 31 Oktyabr 2015-ci il tarixinə qədər “Standart” üzv olmaq üçün qeydiyyatdan keçsəniz, qeydiyyatdan sonra bizdən ilk xidmət alışında zəmanətli endirim məbləğləri müvafiq olaraq yuxarıda göstərilən məbləğlərin 2 (iki) misli qədər olacaqdır.“Premium” üzvlük.
İllik üzvlük haqqı 120 AZN. Standart üzvlərə aid olan bütün üstünlüklərdən istifadə edə bilər. “Premium” üzvlər “Standart” üzvlükdən fərqli olaraq şəxsən iştirak etmədiyi səyahətlərə də “Standart” üzvlüyün üstünlüklərini tətbiq edə bilərlər. Standart üzvlüyün endirimlərinə əlavə olaraq “Premium” üzvlər özünün iştirak etdiyi və ya etmədiyi bir nəfər üçün dəyəri 100 AZN və daha aşağı olan turizm xidmətləri üçün 5 AZN, bir nəfər üçün dəyəri 100 AZN-dən artıq olan turizm xidmətləri üçün isə 10 AZN bonus əldə edirlər. Bu o deməkdir ki, əgər sizin dostlarınız şirkətimizdən turizm xidməti sifariş edərsə həm onlar “Standart” üzvlükdəki endirimdən faydalanmış olacaqlar, həm də sizin balansınıza bonus yığılacaq. “Premium” üzvlər qazandıqları bonusları öz və digər şəxslərin səyahətlərinin ödənişində istifadə edə bilərlər. Bonusla ödənilmiş səyahətlərdə “Premium” üzvün şəxsən iştirakı mütləqdir.Qeyd: Əgər siz 31 Dekabr 2015-ci il tarixinə qədər “Premium” üzv olmaq üçün qeydiyyatdan keçib illik üzvlük haqqını ödəmiş olsanız, hesabınızda 40 AZN-lik hədiyyə bonus olacaqdır.
Əlavə məlumat: (012) 596 11 96 ( daxili nömrə: 116 ) -
Kanadalı 11 ilə bütün dünyanı piyada gəzib-dolaşdı.
Tarix: 2015-10-16
Orta yaş böhranı Jan Belivo adlı kanadalını uzun səyahətə çıxmağa sövq etdi. O 11 il ərzində dünyanın 64 ölkəsini piyada gəzərək ümumilikdə 75500 kilometr qət etdi.
45 yaşına çatdıqdan sonra Monrealda kiçik biznes sahibi olan Jan Belivo öz həyatı, onun mənası, öz rolu haqda düşünməyə başladı. Fikirlərini toplamaq üçün o şəhər üzrə yürüyüşlər edirdi. Günlər bir-birini əvəz etdikcə həmin gəzintilər bir-birindən davamlı olurdu və bir dəfə o Nyu York üzrə 600 km-lik yürüyüş etməyi qərara aldı. Bu yolu qət etmək mümkündürsə - dayanmaq nəyə gərək? “Cəmiyyət tərəfindən yeyilməkdənsə Afrika şirləri tərəfindən yeyilməyi üstün tuturam”-deyə düşünən Jan əşyalarını hazırlayıb yola düşdü.
Həyat yoldaşı bu ideyanı dəstəkləyərək, onun üçün ailə büdcəsindən 4000 kanada dolları ayırdı (3000 ABŞ dolları). Jan özü ilə az miqdarda yemək, paltar, tibbi çanta, kiçik çadır və gecələmə torbasını götürərək onların hamısıını üç təkərli arabasına yerləşdirdi və özü ilə apardı. Beləliklə indiyə qədər insanlığa məlum olan və rəsmi şəkildə qəbul olunmuş ən uzun səyahət başlamış oldu.
Öz yürüyüşünü Jan sülh uğrunda mübarizəyə və uşaqların müdafiəsinə həsr etdi. 11 il piyada gəzərək o 75500 kilometr, 64 ölkə, 6 səhra qət edərək 54 cüt ayaqqabı dəyişdi, bunların əvəzində isə yaddaşdan silinməyəcək bir çox macəra yaşadı.
Qvatemala və Ekvadorda yerli kriminal qrupları belə onun atdığı qeyri adi addımına hörmət əlaməti olaraq Janı öz himasyəsi altına alır və hətta pul ilə də təmin edirdi. Sudanda o uzun saqqal saxlamalı, Afrikada həşəratlarla qidalanmalı olurdu. CAR-da polislər onu həbsxana kamerasına yerləşdirərək gecələmə yeri ilə təmin etmiş oldu, lakin səhərisi gün həmin polislərin növbəsi başa çatdığı zaman həmkarlarını Jan haqda xəbərdar etməyi unutduqlarına görə, yeni növbəyə gələn polislər onu azadlığa buraxmaq istəmirdi. İllərlə davam edən səfər ərzində Belivo yerli əhalinin evlərində, monastırlarda, məbədlərdə, məktəblərdə, parklarda və digər çoxsaylı yerlərdə gecələməli olurdu.
Ümumilikdə Jan bütün dünyada 1600 ailə ilə tanış oldu. Bəzi ölkələrə, (Məsələn, Liviyaya) viza almaq mümkün olmadı. Digərləri isə (Məsələn, Hindistan, Efiopiya) firavan Kanadanın vətəndaşını yoxsulluğu ilə çox kədərləndirdi. Bütün bunlara baxmayaraq demək olar ki, hər yerdə insanlar onu mehriban şəkildə qarşılayaraq var gücü ilə yardım edirdi. Jan yalnız yolun piyada gedilməyə mümkün olmayan hissəsi üçün pula ehtiyac duyurdu (Bir qitədən o biri qitəyə). Hətta yeni ayaqqabıları belə ona müxtəlif ölkələrin insanları hədiyyə edirdi. İllərlə davam edən səfər ərzində Belivo yerli əhalinin evlərində, monastırlarda, məbədlərdə, məktəblərdə, parklarda və digər çoxsaylı yerlərdə gecələməli olurdu.
Yeni biliklərlə zənginləşən Jan bütün bunlarla bərabər ailə ocağından məhrum oldu. 11 il ərzində Janın həyat yoldaşının onunla görüşə biləcəyi yerlərə gəlməsinə, onun rəsmi internet səhifəsini dəstəkləməsinə baxmayaraq cütlük evliliyini qoruyub saxlaya bilmədi. Belivo həmçinin uşaqlarının həyatındakı vacib anları da gözündən qaçırdı. O Monrealı tərk edən zaman qızının 18, oğlunun isə 20 yaşı var idi. Sonradan Jan baba oldu, lakin nəvəsi ilə ilk dəfə onun 5 yaşı tamam olduqdan sonra görüşdü.
Bunlara baxmayaraq Jan heç nədən heyfslənmir. 2000-ci ilin avqustundan 2011-ci ilin oktyabrına qədər o dünyanın demək olar ki, hər nöqtəsində olub. Gedilən ölkələr arasında həmçinin – Azərbaycan, Türkiyə, , İran, Çin, Yaponiya, İndoneziya, Avstraliya, Braziliya, Kolumbiya, Cənubi Afrika, Misir, Mərakeş də var.
İndi Jan Belivo Kanadanın sıx meşəliklərində “Xəyallarının evi”ni inşa edir. Gələcəkdə isə yeni səyahətə yola düşəcəyini də istisna etmir.Mənbə: http://www.nat-geo.ru/adventure/791518-kanadets-oboshel-vsyu-zemlyu-peshkom-za-11-let/
-
Gələn il Ukraynada Azərbaycan Mədəniyyəti Günləri keçiriləcək
Tarix: 2013-06-20
2014-cü ildə Ukraynada Azərbaycan Mədəniyyəti Günləri keçiriləcək.
Trend-in Mədəniyyət və Turizm Nazirliyinin rəsmi saytına istinadən verdiyi məlumata görə, mədəniyyət və turizm naziri Əbülfəs Qarayev Azərbaycanda keçirilən Ukrayna Mədəniyyəti Günləri ilə əlaqədar Bakıya səfərə gəlmiş bu ölkənin mədəniyyət nazirinin birinci müavini Timofey Koxanın rəhbərlik etdiyi nümayəndə heyətini qəbul edib.
Görüşdə qeyd olunub ki, qarşılılıq dostluq münasibətlərinin inkişaflına xidmət edən tədbir iki ölkə arasında 2011-2015-ci illər üzrə əməkdaşlıq planına uyğun keçirilir. Plan 2011-ci il aprelin 28-də Ukrayna Prezidenti Viktor Yanukoviçin Azərbaycana rəsmi səfəri çərçivəsində imzalanıb.
Bu tədbirin davamı olaraq 2014-cü ildə Ukraynada Azərbaycan Mədəniyyəti Günləri keçiriləcək.
Mənbə: http://az.trend.az
-
Mədəniyyət və Turizm Nazirliyi daha 7 obyektə lisenziya verib
Tarix: 2013-06-20
Azərbaycan Mədəniyyət və Turizm Nazirliyi bir sıra mehmanxana və mehmanxana tipli obyektlərin fəaliyyətinə dair xüsusi razılıq (lisenziya) verib.
APA-nın məlumatına görə, lisenziya alan obyektlər siyahısında "Khazar Golden Beach", "Zərdab", "Nəsiboğlu", "Turqut", "Karvansaray" mehmanxanası, "Laza" moteli və "Qaya" istirahət kompleksinin də adı var.
Mənbə: http://az.apa.az
-
Madriddə yeni butik-otel açılıb
Tarix: 2013-06-20
“Palladium Hotel” otel qrupu Madriddə yeni “Ayre Hotel Boutique” butik-otel açmağı planlaşdırır. Bu otel XIX əsrin axrında tikilən dul markiza de Aldamanın keçmiş qəsrində yerləşəcək.
Qəsr, orijinal strukturunun bir qismini saxlayaraq, tamamilə rekonstruksiya olunub. Dörd ulduzlu oteldə 70 otaq olacaq. Otelin əsas üştünlüyü, onun səhərin mərkəzi rayonlarından birində yerləşməsidir.
Otel özündə tarixi atmosferi və yeni texnoloqiyaları birləşdirir. (“Turizm.az”-ın tərcüməsi)
-
Qaxda yay turizm mövsümü başlamışdır
Tarix: 2013-06-19
Qax rayonunun İlisu kəndində yerləşən “İlisu” pansionatında yay turizm mövsümünün açılışına həsr olunmuş tədbir keçirilmişdir.
AzərTAc xəbər verir ki, rayonda fəaliyyət göstərən turizm obyektləri və istirahət mərkəzləri rəhbərlərinin, mədəniyyət və turizm şöbəsi əməkdaşlarının iştirak etdikləri tədbirdə əvvəlcə rayonun turizm potensialını əks etdirən sərgiyə baxış olmuşdur.
Rayonda turizm sahəsinin inkişafı ilə bağlı görülən işlər barədə məlumat verən mədəniyyət və turizm şöbəsinin müdiri Nəzir Omarov “Azərbaycan Respublikasında 2010-2014-cü illərdə turizmin inkişafına dair Dövlət Proqramı”nın qarşıya qoyduğu tələblərə uyğun olaraq Qax rayonunda da yüksək standartlara uyğun turizm infrastrukturunun yaradılması istiqamətində məqsədyönlü iş aparıldığını diqqətə çatdırmışdır. Bildirilmişdir ki, hazırda rayonda 11 turizm obyekti fəaliyyət göstərir. Son dövrlər rayonda beşulduzlu “El Resort” otel kompleksinin, habelə Qax şəhərində “İçəribazar” Turizm Mədəniyyət Mərkəzinin istifadəyə verilməsi turistlərin əsrarəngiz təbiəti və iqlimi ilə seçilən Qax rayonuna marağını daha da artırmışdır.
Qeyd olunmuşdur ki, yay mövsümünə hazırlıqla əlaqədar turizm obyektlərində yerlərin sayı artırılmış, xidmət növləri çoxaldılmışdır. Obyektlərdə müasir standartlara uyğun idman meydançaları, su hovuzları quraşdırılmış, uşaqlar üçün əyləncə yerləri yaradılmış, müalicəvi vannalar, kinozallar, diskotekalar təşkil edilmişdir. İlisu kəndindəki “Səngər qala” turizm və istirahət mərkəzində inşa edilən 45 mənzilli 90 yerlik otel binasının tikintisi artıq başa çatmaq üzrədir və obyektin yaxın vaxtlarda istifadəyə verilməsi nəzərdə tutulur. “El Resort” və “Eden” turizm mərkəzlərində turistlərə xidmət növlərinin sayını və keyfiyyətini artırmaq üçün köməkçi binalar tikilmişdir. Ümumiyyətlə, cari mövsümdə rayonun turizm obyektlərində yerlərin sayının yeddi yüzə çatdırılması nəzərdə tutulur. Hazırda turizm obyektlərində qiymətlər səhər yeməyi də daxil olmaqla, bir nəfər üçün 17-55 manat arasında müəyyənləşdirilmişdir. Mövsüm ərzində qiymətlərin endirilməsi də istisna deyildir.
Turizm mövsümünün başlanması ilə əlaqədar obyektlərdə işçi personalının peşə səviyyəsinin yüksəldilməsinə diqqət artırılmış, onların Mədəniyyət və Turizm Nazirliyi, eləcə də turizm şirkətləri tərəfindən keçirilən treninqlərdə iştirakı təmin edilmişdir. Turistlərin asudə vaxtlarının səmərəli təşkili məqsədilə obyektlərdə müxtəlif mədəni kütləvi tədbirlərin, əyləncəli proqramların, gəzintilərin keçirilməsi nəzərdə tutulmuşdur. Ailəvi, eləcə də kollektiv ekskursiyalar üçün marşrutlar müəyyənləşdirilmişdir.
Bildirilmişdir ki, yay aylarında rayona gələn turistlərin bir hissəsi, xüsusilə ailəvi istirahətə gələnlər kənd evlərində qalmağa üstünlük verirlər. Onların istirahətlərinin səmərəli təşkili məqsədilə ev sahibləri ilə maarifləndirmə işləri aparılmış, xidmətin səviyyəsini yüksəltmək üçün onlara müvafiq təlimatlar verilmişdir. Ev sahiblərinin diqqətinə çatdırılmışdır ki, məqsəd yalnız gəlir əldə etmək deyildir. Turistlərə bölgə haqqında, rayonun turizm potensialı, görməli yerləri, qədim tarixi abidələri barədə də geniş məlumat verilməli, onların istirahətlərinin maraq dərəcələrinə uyğun təşkil edilmələrinə diqqət artırılmalıdır.Mənbə: http://tourism.az
-
Azərbaycanda Ukrayna Mədəniyyət Günləri keçiriləcək
Tarix: 2013-06-19
"Azərbaycan Respublikası Mədəniyyət və Turizm Nazirliyi və Ukrayna Mədəniyyət və Turizm Nazirliyi arasında 2008-2013-cü illər üzrə əməkdaşlıq haqqında Protokol"a əsasən, 2013-cü il 16-19 iyun tarixində Azərbaycanda Ukrayna Mədəniyyət Günlərinin keçirilməsi planlaşdırılıb.
Mədəniyyət Günləri çərçivəsində Bakıda və Hacıqabulda konsertlər və sərgilər təşkil olunacaq. Ukrayna Mədəniyyət Günləri iki ölkə arasında qarşılıqlı mədəni əməkdaşlığın inkişafına, xalqların bir-birini daha yaxından tanımasına xidmət edəcək.
Mədəniyyət Günləri ilə əlaqədar aşağıdakı tədbirlər keçiriləcək.
17 iyun 2013
Saat: 11.00 - Ukrayna Mədəniyyət Nazirinin birinci müavini Timofey Qriqoryeviç Koxanın rəhbərlik etdiyi nümayəndə heyətinin Fəxri Xiyabanda ümummilli lider Heydər Əliyevin məzarını və Şəhidlər Xiyabanını ziyarəti.
Saat: 19.00 - Ukrayna Mədəniyyət Günlərinin təntənəli açılışı. P.Virski adına Rəqs Ansamblının konserti (Azərbaycan Dövlət Filarmoniyası).
18 iyun 2013
Saat 10:00 - Ukrayna Mədəniyyət Nazirinin birinci müavini Timofey Qriqoryeviç Koxanın Mədəniyyət və Turizm Nazirliyində rəsmi qəbulu.
Saat 13:00 - P.Virski adına Ukrayna Rəqs Ansamblının Hacıqabul rayonunda konserti.
Mənbə: http://az.trend.az
- « Əvvəlki
- Sonrakı »
